ژمێریاری زمانێ بازرگانیێ راستەقینەیە ، ئانکو ژمێریاری گرنگترین بەشێ هەمی بوارێن بازرگانییە. دئەڤی بەشیدا ، نیسازی و ئاراستێ خواندنێ و بەرنامەیێ ئەکادیمی ، وەك ئارمانجەکا گرنگ ل بەرچاڤگرتییە و مل ب ملێ زانستێ نوی و پێشکەڤتنا کۆمەلگەهێ ، کاردکەت بۆ ئامادەکرنا قوتابی و خواندەڤای ب شێوەیەکێ سەردەمیانە ، هاتا کو ئارمانج بهێنە بدەستڤەهینان و ئەوان بوشایا پربکەنەڤە ل دامەزراندنێن کەرتێ تایبەت و گشتی ، ل بوارێ ژمێریارێدا هەنە و د نوکەدا زێدەتر ژ هەر دەمەکێ دی تر هەست پێ دهێتەکرن . د ئەڤی بەشیدا قوتابی پێزانین و شارەزاییا پێدڤی دەربارەی ب تۆمارا داهات و دەرکەڤتنێن هەمی دامەزرانا و کۆمپانییا وەردگریت ، کو بێگومان رۆڵ هەیە د پلاندارێژی یا دامەزراندنان و کێشانا نەخشەیێن بەرسنگی . بوارێ کارکرنێ : قوتابییێن دەرچوویێن ئەڤی بەشی ، د ئەڤان دواراندا دشێن کاربکەن : ١-هەمی دامەزراندنێن حکومی و نە حکومی ٢-د بوارێن کەرتێ تایبەتدا ، وەك: کۆمپانییا بازرگانی و خزمەتگوزاریان و مۆل و سوپەرمارکێت و ...هتد. ٣-دامەزراندنێن گەشتییاری وەك : ئوتێل ، موتێل ، سەیرانگە‌‌‌ه و ...هتد.

ئارمانجا سەرەکی یا ئەڤی بەشی بریتییە ژ ئامادەکرنا قوتابی بۆ ئەوێ چەندێ بچیتە د بوارێ برێڤەبرن و کارگێرییێ ل دامەزراندنێن کەرتێ گشتی و تایبەت ؛ ب شێوەیەکی کو شیانێن هندێ هەبن چارەسەریێن نوی و سەردەمیانە پێشکێشبکەت بۆ باشکرن و برێڤەبرنا دامەزراندنێن کەرتێ گشتی و تایبەت . ئەڤە ژبلی ئەوێ چەندێ کو بشێی ب باشترین شێوە ژ روویێ گەشەپێدانا مرۆڤایەتی و مفا وەرگرتن ژ هێزا مرۆڤێ دامەزرێنەر . ئاستێ بەرهەمداریا هەوە ببەتە سەری و رازەمەندیا گشتی بدەستڤەبهینی . بوارێ کارکرنێ : قوتابیێن ئەڤی بەشی ، پشتی دەرچوونێ دشێن د ئەڤان بوارێن ل خوارێدا کاربکەن : ١-کارکرن ل هەمی دامەزراندنێن حکومی و تایبەت . ٢-کارکرن ل کۆمپانیێن بازرگانی . ٣-کارکرن ل بەنق و کەرتێ خانووبەرا. ٤-کارکرن وەك دابینکەرێ ژێدەرێن مرۆڤایەتی .

ئارمانجا ئەڤی بەشی ، بنیاتدانانا بناغەیەکێ زانستییە بۆ درووستکرنا بسپۆر و پەرەپێدانا شیانێن داهێنەرانە د بوارێ زانستێن کومپیوتەریدا : پرۆگرامسازی ، وێب دیزاین ، نێتۆرك و ئەو بوارێن کو پەیوەندی د زانست و ئەپلیکەیشنێن کومپیوتەریدا هەین . ئەڤە ژبلی هەولێن بەردەوام بۆ ئامادەکرنا پلانا پەرەپێدانا شیانێن قوتابییان . ئەڤ بەشە قوتابی بەرهەڤدکەت بۆ ئەوێ چەندێ کو د جیهانا دجیتاڵ و زیرەکدا ئەڤرۆ هەست ب کێموێنەیێ نەکەت و وەك ئەکتەرەکێ هوشیار و شرەزا و خۆدان شیان دەرکەڤیتن و د بازارێ کاری ژیدا جهێ خۆ بکەت . بوارێ کارکرنێ : دەرچوویێن ئەڤی بەشی ، دشێن د ئەڤان بوارێن خوارێدا کاربکەن : ١-پێکڤەکرن و دروستکرن و چاکرنا کومپیوتەری . ٢-دانانا پرۆگرام و تۆڕا زانیارییا ئەنترنێتێ . ٣-هەمی دەزگەهێن حکومی و تایبەت ، کو سیستەمێ دجیتال و کارکرنا ب ئەلکترۆنیاتا بەشەکە ژ تایبەتمەندیا هەوە . ٤-دێ بنە دیزاینەر و گرافیست و مۆنتێر . ٥-دەزگەهێن ڕاگەهاندنێ و برێڤەبرنا تۆڕێن کومەلایەتی .

ئارمانجا سەرەکی یا ئەڤی بەشی بریتییە ژ پێگەهاندنا تەکنیکارەکێ ژێهاتی و خۆدان شییان د بوارێن نەفت و گازدا ب شێوەیەکێ سەردەمیانە و ڕاهێنانێن قوتابییان بۆ باشتر سەرەدەریکرنێ دگەل ژێدەرێن سرووشتی . بەشێ نەفت و گاز ل پەیمانگەها مە هەولددەت ژبۆ خستنەکارا شیانێن قوتابییان د بوارێن جودا جودایێن پیشەسازیا نەفت و گازێ ، ژ ئەوان ژی کولان ، بەرهەمهینان و پالاوتن . بوارێ کارکرنێ : پشتی پێنچ سالێن خواندنێ و دەرچوون ل ئەڤی بەشی ، دەرچوو دشێن د ئەڤان بوارێن خوارێدا کاربکەن : ١-دەزگەهـ و کۆمپانیێن سەر ب وەزارەتا نەفت و کانزا و سامانێن سرووشتی . ٢-کۆمپانیێن کولان و ڤەدیتنا نەفتێ . ٣-کارکرن دگەل ئەندازیارێن کولینا بیرێن نەفتێ . ٤-کارکرن ل سەر ئامیرێن کولینێ .